لاہور (کورٹ رپورٹر ) لاہورہائیکورٹ نے سابق وزیر اعلی پنجاب عثمان بزدار کو گرفتار نہ کرنے کا سنگل بینچ کا حکم واپس لے لیا۔
’’پاکستان ٹائم‘‘کے مطابق جسٹس علی باقر نجفی کی سربراہی میں پانچ رکنی لارجر بینچ نے سابق وزیر اعلی عثمان بزدار کی مقدمات کی تفصیلات فراہم نہ کرنے کی درخواست کا تحریری حکم جاری کر دیا۔جس میں کہا گیا کہ سنگل بینچ نے کچھ سوالات اٹھائے مگر چیف جسٹس نے فائنل لارجر بینچ کو بھجواتے وقت ان سوالات کا حوالہ نہیں دیا۔تحریری حکم میں کہا گیا کہ اسی نوعیت کی دیگر درخواستوں میں بھی اسی نوعیت کے سوالات اٹھائے گئے،فریقین نے اس حوالے سے تحریری جواب بھی جمع کرا دیا ہے،کیس کی مزید سماعت 26 مئی تک ملتوی کی جاتی ہے۔
