اسلام آباد (مانیٹرنگ ڈیسک) وفاقی وزیر داخلہ رانا ثناءاللّٰہ نے دعویٰ کیا ہے کہ 9 مئی کو ہونے والے واقعات کے حملہ آوروں نے عمران خان کی رہائش گاہ زمان پارک میں تربیت لی۔وزیر داخلہ کا کہنا تھا کہ عمران خان نے ان کی ایک سال تک تربیت کی اور فتنہ و فساد کے لیے تیار کیا۔ ہم ثابت کریں گے کہ فتنہ اور فساد باقاعدہ منصوبہ بندی سے کیا گیا۔
”پاکستان ٹائم“ کے مطابق نجی ٹی وی پروگراممیں گفتگو کرتے ہوئےوفاقی وزیر داخلہ رانا ثناءاللّٰہ کا کہنا تھا کہ 50 سے 100 افرادکا تربیت یافتہ گروہ تھا۔ جناح ہاو¿س میں داخل ہونے والے افراد کی شناخت ہوگئی ہے۔انکا کہنا تھا کہ مختلف علاقوں میں کارروائیاں کرنے سے پہلے خواتین کا گروہ حالات دیکھنے جاتا تھا۔انہوں نے کہا کہ تنصیبات پر آگ لگانے والے افراد ٹریس ہوچکے ہیں، کسی مجرم کو نہیں چھوڑا جائے گا۔انکا کہنا تھا کہ میانوالی سمیت مختلف شہروں میں سرکاری، دفاعی تنصیبات پر حملوں میں افغان شہری بھی ملوث ہیں۔
انہوں نے کہا کہ اربوں روپے کی پراپرٹیز کو نقصان پہنچایا گیا۔
