لاہور(عدالتی رپورٹر)آمدن سے زائد اثاثہ جات کیس میں سابق وزیراعلی پنجاب عثمان بزدار کی عبوری ضمانت میں 23مئی تک توسیع کر دی گئی،احتساب عدالت نے عثمان بزدار کو بذریعہ وکیل نیب کو اثاثہ جات کی تفصیل جمع کرانے کا حکم دیتے ہوئے کہا کہ عثمان بزدار کو اثاثہ جات کی تفصیل جمع کرانے کا ا?خری موقع دے رہے ہیں، اگر ا?ئندہ سماعت پر ملزم پیش نہیں ہوا تو ضمانت خارج کر دی جائے گی۔
احتساب عدالت لاہور میں عثمان بزدار کے خلاف آمدن سے زائد اثاثہ جات انکوائری کیس کی سماعت ہوئی جس دورانعثمان بزدار کی جانب سے بیرسٹر مومن ملک ایڈووکیٹ پیش ہوئے جنہوں نے عثمان بزدار کی ایک روزہ حاضری معافی کی درخواست دائر کی،درخواست میں موقف اختیار کیا گیا کہ عثمان بزدار کو سیاسی انتقام کا نشانہ بنایا جا رہا ہے، حالات کی پریشانی کی وجہ سے عثمان بزدار دل کی تکلیف میں مبتلا ہوگئے ہیں، عثمان بزدار کی حالت خراب ہے حاضری معافی دی جائے۔عدالت نے سابق وزیراعلی پنجاب کی حاضری معافی درخواست جمع کرائے جانے پر ریمارکس میں کہا کہ عثمان بزدار کی جانب سے ہر تاریخ پر نیا بہانہ سامنے آتا ہے، ہمیں علم ہے وہ کیوں نہیں آئے ان کو جلاﺅ گھیرا ﺅکیس میں گرفتاری کا ڈر ہے،عدالت نے عثمان بزدار کی عبوری ضمانت میں توسیع کرتے ہوئے حاضری معافی کی درخواست منظور کر لی۔
