لاہور(کورٹ رپورٹر)انسداد دہشت گردی عدالت نے پاکستان تحریک انصاف( پی ٹی آئی)کے رہنما اور سابق صوبائی وزیر میاں محمود الرشید کو 7 روز کیلئے جسمانی ریمانڈ پر پولیس کے حوالے کر دیاہے۔
”پاکستان ٹائم“کے مطابق تحریک انصاف کے رہنما میاںمحمود الرشید کو دو روزہ جسمانی ریمانڈ کے بعد لاہور کی انسداد دہشت گردی عدالت میں دوبارہ پیش کیا گیا۔انسداد دہشت گردی عدالت لاہور کی جج عبہر گل خان نے سماعت کی، تفتیشی افسر انسپکٹر سرور نے عدالت میں مو¿قف پیش کیا کہ میاں محمود الرشید پر کور کمانڈر ہاو¿س پر حملہ اور فائرنگ کے الزام کے تحت تھانہ سرور روڈ پولیس نے مقدمہ درج کر رکھا ہے، محمود الرشید کی فائرنگ سے کئی افراد زخمی ہوئے اور ایک شخص جاں بحق ہوا۔تفتیشی افسر نے مو¿قف پیش یا کہ ملزم محمود الرشید کا دو روزہ کا جسمانی ریمانڈ ملا تھا لیکن لاہور ہائیکورٹ کے حکم پر میاں محمود الرشید کا میڈیکل بورڈ بنا کر طبعی معائنہ کیا گیا اور ان کو 2 روز کے لئے ہسپتال داخل کیا گیا اور تفتیش نہیں ہو سکی۔تفتیشی افسر نے عدالت نے محمود الرشید کے 20 دن کے جسمانی ریمانڈ کی استدعا کرتے ہوئے بتایا کہ ملزم کے اسپتال ہونے کے باعث تفتیش نہیں ہوسکی، مزید جسمانی ریمانڈ دیا جائے۔عدالت نے تفتیشی افسر کی محمود الرشید کی 20 روزہ جسمانی ریمانڈ کی استدعا مسترد کرتے ہوئے 7 روزہ جسمانی ریمانڈ منظورکرلیا اور محمود الرشید کو پولیس کے حوالے کر دیا۔عدالت نے دلائل سننے کے بعد محمود الرشید کے جسمانی ریمانڈ میں توسیع کرتے ہوئے انہیں دوبارہ 25 مئی کو پیش کرنے کا حکم دیا ہے۔
