کراچی(شوبز ڈیسک) معروف سینئر اداکار بہروز سبزواری نے خود سے منسوب فوج کے خلاف لیک ہونے والے آڈیو بیان کی حقیقت کھول کر رکھ دی۔
”پاکستان ٹائم “کے مطابق سماجی رابطے کی ویب سائٹس پر وائرل ہونے والے ایک آڈیو بیان میں فوج کے خلاف انتہائی نازیبا زبان ادا کی گئی تھی اور سوشل میڈیا پر اس آڈیو بیان کو اداکار بہروز سبزواری سے منسوب کیا جا رہا تھا۔بہروز سبزواری کے بیٹے شہروز سبزواری پاکستان تحریک انصاف(پی ٹی آئی) کے زبردست حامی رہے ہیں اور ٹوئٹر و انسٹاگرام پر سابق وزیراعظم عمران خان کی برملا حمایت بھی کرتے نظر آتے رہے ہیںتاہم والد بہروز سبزواری سے منسوب لیک آڈیو بیان کی وضاحت کرتے ہوئے شہروز نے اپنے انسٹاگرام سٹوری میں ایک ویڈیو جاری کی۔ویڈیو میں اداکار بہروز سبزواری نے آڈیو بیان کو آرٹیفیشل انٹیلی جنس کا شاخسانہ قرار دیتے ہوئے کہا کہ میری آڈیو جعلی طور پر بنائی گئی ہے،ں نے کبھی فوج کے خلاف کوئی بیان نہیں دیا۔بہروز سبزواری نے فوج کے ساتھ اظہار یکجہتی کرتے ہوئے کہا کہ فوج ہمارا طرہ امتیاز ہے جس نے اس ملک اور عوام کے لیے ہمیشہ اپنی جانوں کے نذرانے پیش کیے ہیں اور ہم بھی فوج کے لیے اپنی جان قربان کرسکتے ہیں۔اداکار نے مزید کہا کہ جو لوگ فوج کے خلاف خبریں پھیلا رہے ہیں، اللہ ان سے پوچھے گا۔ جن لوگوں کی دل آزاری ہوئی میں ان کو بتا دوں کہ یہ سب جھوٹ ہے۔
