کراچی (شوبز ڈیسک) معروف اداکار آریز احمد لائیو ویڈیو کے دوران اہلیہ، اداکارہ حبا بخاری کے سامنے اداکار دانش تیمور کی تعریف سن کر سیخ پا ہو گئے اور اس تبصرے پر غصے سے جواب دیتے ہوئے کہتے ہیں کہ تو آپ کر لو شادی اس(دانش تیمور)سے، اس پر حبا بخاری فورا ہی بگڑتی صورتحال پر بڑے تحمل سے صارف کو جواب دیتی ہیں۔
سوشل میڈیا پر فنکار جوڑی آریز احمد اور حبا بخاری کی مختصر سی ویڈیو وائرل ہے جس میں آریز اور حبا اپنے مداحوں کے ساتھ چٹ چیٹ کی غرض سے لائیو ویڈیو سیشن کر رہے ہیں۔ اس دوران ایک صارف آریز کے بجائے دانش تیمور کی تعریف کردیتی ہے جسے سن کر آریز احمدخود پر قابو نہیں رکھ پاتے۔آریز احمد اور حبا بخاری کی وائرل کلپ پر اب سوشل میڈیا صارفین کی جانب سے آریز کے جواب پر خوب تنقید کی جا رہی ہے۔
یہ بھی پڑھیں:سنجے دت نے جاو ید میانداد سے ملاقات کی خواہش ظاہرکردی
