اسلام آباد(مانیٹرنگ ڈیسک) مسلم لیگ ن کے رہنما بلال اظہر کیانی نے کہا ہے کہ وزیر اعظم اور اپوزیشن لیڈر آپس میں بیٹھ کر نگران وزیر اعظم کا اعلان کریں گے۔
”پاکستان ٹائم“ کے مطابق مسلم لیگ ن کے رہنما بلال اظہر کیانی نے ہم نیوز کے پروگرام “نیوز لائن” میں گفتگو کرتے ہوئے کہا کہ پاکستان تحریک انصاف (پی ٹی آئی) حکومت کو آئینی طریقے سے ہٹایا گیا جبکہ حکومت کی مدت اگست میں ختم ہو رہی ہے اور نگران حکومت آئین کے تحت ہونی چاہیئے۔انہوں نے کہا کہ وقت پر انتخابات کرانا الیکشن کمیشن کی ذمہ داری ہے جبکہ وزیر اعظم اور اپوزیشن لیڈر آپس میں بیٹھ کر نگران وزیر اعظم کا اعلان کریں گے۔بلال اظہر کیانی نے کہا کہ الیکشن ستمبر میں ہوں یا نومبر میں لیکن ہم چاہتے ہیں کہ شفاف ہوں۔ ن لیگ کے دور میں ہی ملک سے لوڈشیڈنگ اور دہشتگردی کا خاتمہ ہوا۔انہوں نے کہا کہ اتحادیوں کے درمیان ملاقاتیں ہوتی رہتی ہیں جبکہ حکومت اپنے مقررہ وقت پر ہی جائے گی۔
یہ بھی پڑھیں:اعظم خان کہاں ہیں اور کس کو پتہ ہے؟رانا ثنا اللہ نے بتا دیا
