کراچی (آئی ا ین پی) معروف سینئر اداکار بہروز سبزواری نے انکشاف کیا ہے کہ ایک مرتبہ انہیں ایک بالی ووڈ فلم کی پیشکش کی گئی لیکن انہوں نے اسے کرنے سے انکار کردیا۔
ایک تازہ انٹرویو میں اداکار نے بتایا کہ وہ انڈین فلم بظاہر پاکستان مخالف تھی اور مجھے اس میں ایک سیاستدان کا کردار نبھانا تھا۔ اداکار نے بتایا کہ انہوں نے فلم کرنے سے صاف انکار کردیا کیوں کہ وہ اپنے وطن سے بہت محبت کرتے ہیں اور اسے بدنام نہیں کرسکتے۔ ان کا کہنا تھا کہ پاکستان نے انہیں سب کچھ دیا ہے اور وہ اپنے ملک میں ہی جیئیں گے اور یہیں مرنا پسند کریں گے۔
