لاہور (سپورٹس ڈیسک ) 30 اگست سے پاکستان کے شہر ملتان میں شروع ہونے والے میگا ایونٹ ایشیا کپ کے کمنٹری پینل کا اعلان کر دیا گیا۔
یہ بھی پڑھیں:ایشیا کپ میں پاک بھارت میچ مہنگے ترین ٹکٹ چند گھنٹوں میں فروخت
ایشیا کپ کے کمنٹری پینل میں سابق قومی کپتان وسیم اکرم،وقار یونس،عامر سہیل اور بازید خان شامل ہیں جبکہ رمیز راجا کو اس بار پینل میں شامل نہیں کیا گیا ؤ۔اس کے علاوہ ایشیا کپ کے ایونٹ میں کمنٹری پینل میں بھارت کے سابق کھلاڑی بھی شامل ہیں جن میں روی شاستری،گوتم گھمبیر،ہربھجن سنگھ اور عرفان پٹھان شامل ہیں۔اس کے علاوہ اینڈی فلاور،مارون اتاپتو،سجنے بنگر، میتھیو ہیڈن اور پیوش چاولہ بھی کمنٹری پینل کا حصہ ہیں۔واضح رہے کہ ایشیا کپ کا میزبان پاکستان ہے اور ایونٹ دو مراحل میں پاکستان اور سری لنکا میں کھیلا جائے گا، ایونٹ کا آغاز ملتان سے ہوگا جس میں میزبان ٹیم پاکستان اور نیپال آپس میں ٹکرائیں گی۔ ٹورنامنٹ کے چار میچز پاکستان جب کہ فائنل سمیت 9 میچز سری لنکا میں کھیلے جائیں گے، ایونٹ کا سب سے بڑا مقابلہ پاک بھارت ٹاکرا 2 ستمبر کو کینڈی میں شیڈول ہے۔
