ممبئی (شوبز ڈیسک) بالی ووڈ اداکار اور اداکارہ دیپیکا پڈوکون کے شوہر رنویر سنگھ نے پڑھائی میں کمزور ہونے کا اعتراف کیا ہے۔
رنویر سنگھ اور عالیہ بھٹ کی کرن جوہر کے ہمراہ ایک تقریب سے گفتگو کی ویڈیو سامنے آئی جس میں شرکا سے گفتگو کے دوران انہیں پڑھائی میں کمزور ہونے کا اعتراف کرتے دیکھا گیا۔ گفتگو کے دوران رنویر سنگھ نے شرکا سے سوال کیا کہ کیا یہاں کوئی 100 میں سے صفر لایا ہے،جس کے بعد رنویر نے خود ہی بتادیا کہ میں لایا ہوں مجھے ریاضی میں صفر ملا تھا۔انہوں نے کہا کہ کبھی کسی کو مائنس 10 ملے ہیں مجھے مائنس 10 ملے تھے، اسی گفتگو کے دوران عالیہ نے بتایا کہ انھیں فزکس میں 100 میں سے 8 نمبر ملے تھے۔ رنویر سنگھ کا کہنا تھا کہ میں پڑھائی میں بالکل بھی اچھا نہیں تھا لیکن اب محسوس ہوتا ہے کہ تعلیم ضروری ہے، رسمی تعلیم ضروری ہے آپ کو پتہ ہونا چاہیے آپ کیا حاصل کر رہے ہیں۔
