ممبئی (شوبز ڈیسک)بالی ووڈ اداکار پنکج تریپاٹھی نے اپنے گاﺅں کے سکول میں نئی لائبریری بنوا دی۔
پنکج اپنے گاﺅں میں سماجی سرگرمیوں میں مصروف عمل رہتے ہیں،اب انہوں نے علم و ادب اور کتابوں سے اپنی محبت کا ثبوت دیتے ہوئے گوپال گنج کے ایک سکول میں جدید لائبریری بنوائی ہے۔انہوں نے لائبریری کا افتتاح بھی خود جا کر کیا۔حال ہی میں ان کے والد کا انتقال ہوا ہے لہذا انہوں نے لائبریری کو اپنے والد کی طرف سے سکول کیلئے تحفہ قرار دیا۔پنکج تریپاٹھی نے کہا کہ میں طلبہ کے دلوں میں علم کی محبت بیدار کرنا چاہتا ہوں،علم وہ عظیم تحفہ ہے جو ہم اپنی مستقبل کی نسل کو دے سکتے ہیں۔قبل ازیں انہوں نے اس سکول کی تزئین و آرائش کرائی تھی جہاں خود بھی کسی زمانے میں زیر تعلیم تھے۔
یہ بھی پڑھیں:عالیہ بھٹ اور ایشا امبانی کپڑوں کے برانڈ میں بزنس پارٹنر بن گئیں
