کراچی (شوبز رپورٹر) معروف اداکارہ مشی خان نے پاکستانی ڈراموں میں رشتوں کی منفی انداز میں تصویر کشی کرنے پر سخت تنقید کی ہے۔
یہ بھی پڑھیں:آپ طلاق کب لے رہی ہیں؟صارف کے سوال پر عنزیلہ عباسی کا کرارا جواب
”پاکستان ٹائم“کے مطابقمشی خان نے حال ہی میں ایک ویب شو میں بطور مہمان شرکت کی جہاں انہوں نے آج کل پاکستانی ڈراموں میں دکھائے جانے والے مواد پر اپنی رائے کا اظہار کیا۔ انہوں نے کہا کہ گھروں میں قریبی رشتے جو ہماری تہذیب کا اہم حصہ ہیں جیسے کہ بھائی بہن کا رشتہ، دیور بھابھی کا رشتہ انہیں آج کل کے پاکستانی ڈراموں نے منفی تصویر کشی کے ذریعے گندا اور غلیظ بنا دیا ہے۔ مشی خان نے کہا کہ جب ہم ایسے ڈرامے بنانے والوں سے پوچھتے ہیں کہ وہ اس طرح کے ڈرامے کیوں بنا رہے ہیں تو ان کا جواب ہوتا ہے کہ ہمارے معاشرے میں یہ سب کچھ ہو رہا ہے اس لیے ہم دکھا رہے ہیں اور لوگ ایسی ہی چیزیں دیکھنا چاہتے ہیں۔مشی خان نے اس بات پر تنقید کرتے ہوئے کہا کہ اگر اس بات میں سچائی ہے تو پھر تاریخی ترک سیزیز ارطغرل غازی کو تو پاکستان میں فلاپ ہو جانا چاہیے تھا۔مشی خان نے کہا کہ یہاں پوری ایک مافیا موجود ہے جو ڈراموں میں ایسا مواد دکھا کر ہمارے معاشرے کو تباہ کرنے کے لیے بہت سارے فنڈز دیتی ہے۔
یہ بھی پڑھیں:پاکستان ٹائم” جانو بابا “کے دکھ کی آواز بن گیا
