اسلام آباد (شوبز ڈیسک)پاکستان کے عالمی شہرت یافتہ گلوکار عاطف اسلم نے فلسطین پر اسرائیلی جارحیت کے خلاف آواز اٹھاتے ہوئے دعائیہ پیغام جاری کر دیا۔
یہ بھی پڑھیں:اسرائیل میں پھنسی اداکارہ نصرت بھروچا بھارت پہنچ گئیں
پاکستان ٹائم کے مطابق عاطف اسلم جو ان دنوں شمالی امریکہ میں کانسرٹ میں مصروف ہیں اور اس کی لمحہ بہ لمحہ تصاویر اور ویڈیوز بھی سوشل میڈیا پر شیئر کر رہے ہیں جس پر ان کے مداح تنقید بھی کرتے دکھے کہ ایک جانب فلسطین میں جنگ جاری ہے اور آپ امریکہ میں گانے گانے میں مصروف ہیں۔گلوکار نے اب فوٹو اینڈ ویڈیو شیئرنگ ایپ انسٹاگرام پر فلسطین کے حق میں پوسٹ جاری کرتے ہوئے لکھا کہ فلسطین میں شہید ہونے والی معصوم جانوں پر دل رو رہا ہے،آئیں ایک ساتھ کھڑے ہوں اور امن،سکون اور بہتری کیلئے دعا کریں۔انہوں نے اسی پوسٹ کے کیپشن میں اپنے جذبات کا مزید اظہار کرتے ہوئے لکھا کہ یا اللہ اپنا رحم فرما۔عاطف اسلم کی اس فلسطین حمایتی پوسٹ کے کمنٹ سیکشن میں سوشل میڈیا صارفین گلوکار کی لب کشائی اور فلسطینیوں کیلئے دعا کرنے پر تعریف کر رہے ہیں۔
یہ بھی پڑھیں:عاطف اسلم کی اذان دیتے ویڈیو وائرل
