لاہور (سٹاف رپورٹر ) پاکستان مسلم لیگ (ن) کی رہنما مریم اورنگز یب نے کہا ہے کہ لوگ گھنٹوں کا سفر طے کرکے اپنے قائد کا استقبال کرنے مینار پاکستان پہنچے، میاں نوازشریف کا شاندار استقبال کرنے پر پورے پاکستان کی شکر گزار ہوں، عوام کو یقین ہے پاکستان کومشکلات میں سے نوازشریف ہی نکال سکتے ہیں،تمام سٹیک ہولڈرز کو بیٹھ کر ملک کو مشکلات سے نکالنا ہو گا۔
یہ بھی پڑھیں:خیبر پختونخوا اسمبلی کے سابق ڈپٹی سپیکر کمرہ عدالت سے گرفتار،ان پر الزام کیا تھا؟خبر آ گئی
عدالت کے باہر میڈیا سے گفتگو کرتے ہوئے مریم اورنگزیب نے کہا کہ 2017 میں ایک شخص کو نکالنے کی خاطر ملک سے خوشحالی و ترقی نکال دی گئی، تمام چیزیں عوام جانتے ہیں، آج بھی عوام کی امید نوازشریف ہیں، آج نوجوان کو روزگار کی ضرورت ہے، نوازشریف نے نوجوان کے ہاتھ میں پٹرول بم دینے کی بات نہیں کی، قائد مسلم لیگ ن نے نوجوان کو روزگار دینے کی بات کی ہے۔ ان کا مزید کہنا تھا کہ 2017میں خوشحالی و ترقی تھی، نوازشریف نے اب بھی امن و خوشحالی کی بات کی ہے، انہوں نے کہا ہے سب کو مل کر بیٹھنا ہے، تمام سٹیک ہولڈرز کو بیٹھ کر ملک کو مشکلات سے نکالنا ہوگا، مسلم لیگ ن کے مخالفین نے بھی نوازشریف کی باتوں کی تعریف کی ہے۔
یہ بھی پڑھیں:اسحاق ڈار کے خلاف کرپشن کا کوئی ثبوت نہیں،نیب نے احتساب عدالت میں ہاتھ کھڑے کر دیئے
