لاہور (کرائم سیل)صوبائی دارالحکومت میں طالبات کی بس پر فائرنگ کرنے والے 6 ملزم گرفتار کر لیے گئے۔
”پاکستان ٹائم“کے مطابق لاہور میں طالبات کی بس پر فائرنگ کے کیس میں اہم پیشرفت سامنے آئی ہے۔ڈپٹی انسپکٹر جنرل (ڈی آئی جی)انویسٹی گیشن لاہور عمران کشور کا کہنا ہے کہ فائرنگ کرنے والے 6 ملزمان کو گرفتار کر لیا گیا ہے، فائرنگ کے واقعے میں استعمال ہونے والی کار کرائے پر لی گئی تھی،ملزمان کے بیانات اور شواہد کی بنیادوں پر واقعے کی مزید تحقیقات کی جا رہی ہے،طالبات کی بس پر فائرنگ کے کیس میں انسداد دہشتگردی ایکٹ لگا دی گئی ہے،ملزمان کو گرفتار کرنے والی پولیس ٹیم کے لیے5 لاکھ روپے انعام کا اعلان کرتا ہوں۔انہوں نے کہا کہ تین روز قبل طالبات کی بس پر فائرنگ کا واقعہ رات ڈیڑھ بجے پیش آیا،فائرنگ کرنے والے ملزمان نشے میں تھے،طالبات کی بس کے ڈرائیور اور ملزمان کی کار کے ڈرائیور کے درمیان تلخ کلامی بھی ہوئی،کالج انتظامیہ کی ذمہ داری تھی کہ تفریحی دورہ فوری طور پر منسوخ کرتے،کالج انتظامیہ کو چاہیے تھا بچیوں کو فوری طور پر واپس اپنے گھر بھجواتے۔واضح رہے کہ 28 نومبر کی رات طالبات کی بس پر فائرنگ پر فائرنگ کی گئی تھی جس میں دو طالبات زخمی ہو گئی تھیں،فائرنگ میں زخمی ایک طالبہ وینٹی لیٹر پر اور اسکی حالت تشویشناک بتائی جا رہی ہے۔
یہ بھی پڑھیں : 190ملین پاﺅنڈ کیس ،عمران خان سمیت 8ملزمان کیخلاف نیب ریفرنس دائر
