ممبئی (شوبز ڈیسک)سینئر بھارتی اداکارہ لیلاوتی 85 برس کی عمر میں چل بسیں۔
بھارتی میڈیا کے مطابق لیلاوتی بنگلور کے ایک نجی ہسپتال میں زیر علاج تھیں۔وہ ضعیف العمری کی وجہ سے کئی امراض میں مبتلا تھیں۔سینئر اداکارہ نے 400 کے قریب کناڈا سمیت 600 سے زائد فلموں کام کیا۔ وہ گذشتہ کئی برس سے اپنے اداکار بیٹے ونود راج کے ساتھ رہ رہی تھیں۔انہوں نے ’چنچلا کماری‘ اور ’ناگاکنیکا‘ سے اپنے فلمی کیریئر کی شروعات کیں، بعدازاں سبھایا نائیڈو کی ڈرامہ کمپنی میں شمولیت اختیار کی اور 1958ء میں ’بختا پراہلادا‘ میں مختصر کردار ادا کیا۔انہیں دو مرتبہ نیشنل ایوارڈ اور 6 بار سٹیٹ ایوارڈ سے نوازا گیا۔ان کی موت پر ساتھی اداکاروں نے گہرے دکھ کا اظہا ر کیا ہے۔
