اسلام آباد(وقائع نگار)پاکستان تحریک انصاف(پی ٹی آئی)کو خیر آباد کہنے والے سابق وزیر خزانہ سینیٹر شوکت ترین نے سینیٹ کی رکنیت سے استعفیٰ دے دیا ہے۔
”پاکستان ٹائم“کے مطابق سابق وزیرخزانہ سینیٹر شوکت ترین پاکستان تحریک انصاف اور سیاست کو خیرباد کہنے کے بعد سینیٹ کی رکنیت سے بھی مستعفی ہوگئے۔شوکت ترین نے چیئرمین سینیٹ سے دبئی میں ملاقات کے دوران اپنا استعفیٰ پیش کردیا، جو منظورکرلیا گیا ہے۔اس سے قبل شوکت ترین نے سینیٹ کی رکنیت سے استعفیٰ دینے کا اعلان کیا تھا، اس سلسلے میں انہوں نے پارٹی قیادت کو اپنے فیصلے سے آگاہ کر دیا تھا۔یاد رہے کہ رہے شوکت ترین 2021 میں پی ٹی آئی کے ٹکٹ پر خیبرپختونخوا سے سینیٹ کی نشست پر منتخب ہوئے،وہ 17 اکتوبر 2021 سے 11 اپریل 2022 تک عمران خان کی کابینہ میں وزیر خزانہ رہے۔
