اسلام آباد (مانیٹرنگ ڈیسک) سپریم کورٹ میں سابق وزیراعظم ذولفقار علی بھٹو پھانسی کیس کی سماعت شروع ،آصف زرداری اور بلاول بھٹو بھی کمرہ عدالت میں موجود ۔
نجی ٹی وی کے مطابق ذولفقار علی بھٹو پھانسی کیس میں صدارتی ریفرنس پر 11سال بعد سماعت ہو رہی ہے ، سابق صدر آصف زرداری، بلاول بھٹو اور پیپلز پارٹی کے دیگر سینئیر رہنما بھی عدالت میں موجود ہیں۔چیف جسٹس قاضی فائز عیسی کی سربراہی میں9 رکنی لارجر بنچ کیس کی سماعت کر رہا ہے۔ لارجر بینچ میں جسٹس سردار طارق مسعود، جسٹس منصور علی شاہ، جسٹس یحیٰی آفریدی، جسٹس امین الدین ،جسٹس جمال مندوخیل، جسٹس محمد علی مظہر، جسٹس حسن اظہر رضوی اور جسٹس مسرت ہلالی شامل ہیں۔
