دبئی (سپورٹس ڈیسک) متحدہ عرب امارات کی انڈر 19 ٹیم نے اے سی سی مینز ایشیا کپ انڈر 19 میچ میں سری لنکا کو 2 وکٹوں سے شکست دیدی،اس فتح کے بعد نوجوان کھلاڑیوں کی خوشی اس وقت دوگنی ہو گئی جب پاکستان کے لیجنڈری فاسٹ بولر شعیب اختر سری لنکا کے خلاف ناقابل یقین فتح کے فورا بعد انہیں مبارکباد دینے گراونڈ میں پہنچ گئے۔
”پاکستان ٹائم“کے مطابق شعیب اختر نے دبئی کے خصوصی دورے میں آئی سی سی اکیڈمی اوول کا دورہ کیا۔انہوں نے ڈی پی ورلڈ آئی ایل ٹی 20 سیزن 2 کے لئے لیگ ایمبیسیڈر کا معاہدہ کیا ہے۔شعیب اختر نے یو اے ای کے کرکٹرز کو ان کی فتح پر مبارکباد دی اور ٹیم کے جذبے اور بھائی چارے کی تعریف کی۔بعد ازاں شعیب اختر نے یواے ای کرکٹ کے لیے ڈی پی ورلڈ آئی ایل ٹی 20 کے کردار اور ملک میں کھیل کے مستقبل کے بارے میں میڈیا سے بات کی۔انہو ں نے کہا کہ وہ متحدہ عرب امارات کے نوجوان کھلاڑیوں کو ان کی متاثر کن کارکردگی پر مبارکباد دینا چاہتے ہیں،میں کھیل کے لئے ان کے جذبے کو دیکھ کر بہت خوش ہوں۔راولپنڈی ایکسپریس شعیب اختر کا کہنا تھا کہ امارات کرکٹ بورڈ نے حالیہ برسوں میں متحدہ عرب امارات میں کرکٹ کے لیے شاندار کام کیا ہے،مجھے ڈی پی ورلڈ آئی ایل ٹی 20 کے لیگ ایمبیسیڈر بننے پر خوشی ہے۔
