ممبئی (شوبز ڈیسک) بالی ووڈ کے معروف اداکار رنبیر کپور کی فلم اینیمل کی کاسٹ میں شامل اداکارہ شفینا شاہ کاپاکستان سےتعلق سامنے آگیا اور انہوں نے انکشاف کیا کہ وہ لندن میں پلی بڑھی ہیں لیکن ان کی والدہ کوہاٹ سے ہیں۔ اینیمل میں بوبی دیول کی دوسری بیوی کا کردار ادا کرنے والی اداکارہ شفینا شاہ نے بھارتی میڈیا کو انٹرویو دیتے ہوئے بتایاکہ ان کا تعلق پاکستان سے ہے،والدہ عطیہ شاہ پاکستان کے صوبہ خیبر پختونخواہ کے شہر کوہاٹ میں پیدا ہوئی تھیں لیکن بعد ازاں وہ برطانیہ منتقل ہوگئی تھیں،مرحوم والد حاجی اسماعیل راج محمد پٹیل بھی برطانیہ منتقل ہو گئے تھے اور اپنے دور میں ایک معروف برطانوی اداکار تھے۔ یادرہے کہ شفینا شاہ کی والدہ عطیہ شاہ بھی شوبز انڈسٹری کی ایک بااثر شخصیت تھیں،اسی لیے انہوں نے بھی اپنے والدین کے نقشِ قدم پر چلتے ہوئے شوبز انڈسٹری میں قدم رکھا۔
