ممبئی (شوبز ڈیسک) ملیکہ اروڑا سے شادی کے خاتمے اور گرل فرینڈ جارجیا اینڈریانی کیساتھ بریک اپ کے بعد بالی ووڈ کے معروف اداکار و فلمساز ارباز خان 24 دسمبر کو میک اپ آرٹسٹ شورہ خان سے شادی کے بندھن میں بندھ جائیں گے۔ بھارتی میڈیا کے مطابق ارباز خان میک اپ آرٹسٹ شورہ خان سے دوسری شادی کریں گے اور شادی کی تقریب ممبئی میں منعقد ہوگی جس میں اس جوڑی کے چند قریبی دوست اور خاندان والے شرکت کریں گے۔ارباز خان کی ہونے والی دلہنیا شورہ خان بالی ووڈ کی میک اپ آرٹسٹ ہیں، ان دونوں کی پہلی ملاقات نئی آنے والی فلم پٹنہ شکلا کے سیٹ پر ہوئی تھی جہاں ارباز خان اور شورہ خان کی محبت کی کہانی کا آغاز ہوا تھا اور اب بات شادی تک پہنچ چکی ہے۔
