لاہور (شوبز ڈیسک) معروف اداکارہ عائشہ عمر نےکنواروں کو دلچسپ مشورہ دیدیا اور کہا ہے کہ شادی کا عمر سے کوئی تعلق نہیں جب بھی کوئی پسند آجائے اس سے شادی کرلینی چاہئے۔ حال ہی میں دیئے گئے ایک انٹرویو کے دوران جلدی شادی کے سوال پر اداکارہ کا کہنا تھا کہ شادی کا عمر سے کوئی تعلق نہیں کہ کس عمر میں آپ کو شادی کرنی چاہئے،جب بھی آپ کو محسوس ہو کہ یہی وہ شخص ہے جس کی آپ کو تلاش تھی تو وقت ضائع کیے بغیر شادی کر لینی چاہیے۔ ایک اور سوال کے جواب میں عائشہ عمر نے کہاہے کہ شادی کی کامیابی کیلئے ذہنی ہم آہنگی اور اعتماد کا ہونا بھی ضروری ہوتا ہے۔
