لاہور(وقائع نگار خصوصی)پاکستان مسلم لیگ ن کی رہنما مریم نواز شریف کی جانب سے ”وکٹری سپیچ“ کا اعلان کر دیا۔
”پاکستان ٹائم“کے مطابق مائیکرو بلاگنگ ویب سائٹ پر ٹویٹ کرتے ہوئے مریم نواز شریف کا کہنا تھا کہ کل رات میڈیا کے ایک حصے کی جانب سے جان بوجھ کر بنائے گئے غلط تاثر کے خلاف مسلم لیگ ن الحمد اللہ مرکز اور پنجاب میں واحد سب سے بڑی جماعت بن کر ابھر رہی ہے،کچھ نتائج کا انتظار ہے،حتمی نتائج کے موصول ہوتے ہی میاں نواز شریف جیت کی تقریر کے لیے پاکستان مسلم لیگ ن کے ہیڈ کوارٹر کا رخ کریں گے۔یاد رہے کہ مسلم لیگ ن کے قائد میاں محمد نواز شریف گزشتہ رات ماڈل ٹاون لاہور کے مرکزی سیکرٹریٹ پہنچے تھے، تاہم کچھ دیر بعد وہ نامعلوم وجوہات کی بنا پر واپس روانہ ہوگئے تھے۔ن لیگ نے ماڈل ٹاون سیکرٹریٹ میں پارٹی کا مرکزی الیکشن سیل بنایا گتھا جہاں نتائج دیکھنے کیلئے بڑی سکرین نصب کی گئی تھی۔بڑی سکرین پر نتائج دیکھنے آنے والے نواز شریف واپس چلے گئے۔واضح رہے کہ گزشتہ رات چند نجی ٹی وی چینلز کی جانب سے دعویٰ کیا گیا تھا کہ نوازشریف کی وکٹری سپیچ تیار تھی تاہم وہ واپس جاتی امراء چلے گئے تھے۔مریم نواز سے مریم اورنگزیب بھی کہہ چکی ہیں کہ ن لیگ حکومت بنائے گی اور نئے دور کا آغاز ہو گا۔آصج صبح کی جانے والی ایکس پوسٹ میں مریم اورنگزیب کا کہنا تھاکہ پارٹی کے انتخابی سیل میں نتائج آنے کا سلسلہ جاری ہے۔ن لیگ عوام کی خدمت کا عزم پورا کرے گی۔
