پشاور(بیورو رپورٹ)پاکستان تحریک انصاف(پی ٹی آئی) کے مرکزی رہنما اور سابق صوبائی وزیر شوکت یوسفزئی نے الزام عائد کرتے ہوئے کہا ہے کہ پی ٹی آئی حمایت یافتہ امیدواروں کو توڑنے کی کوشش کی جا رہی ہے۔
”پاکستان ٹائم“کے مطابق شوکت یوسفزئی نے کہا ہے کہ مشکلات اور جبر کے باوجود انتخابات مکمل ہوگئے،یہ آر اوز کا الیکشن تھا،جس میں دھاندلی نہیں دھاندلا ہوا،بلا چھیننے کے باوجود عوام نے پی ٹی آئی حمایت یافتہ آزاد امیدواروں کو مینڈیٹ دیا،ملک کے لیے ضروری ہے کہ عوام کے مینڈیٹ کا احترام کیا جائے۔ان کا کہنا ہے کہ نواز اور زرداری کے دو خاندانوں نے ملک کو بڑا نقصان پہنچایا ہے،تحریک انصاف کو حکومت بنانے کی دعوت دی جائے،شانگلہ میں میری سیٹ آر اوز کے ذریعے لی گئی۔
