کراچی(بیورو رپورٹ)سابق وفاقی وزیر علی زیدی نے بلاول بھٹو زرداری کو ایسا مشورہ دے دیا ہے کہ سیاسی جوڑ توڑ میں مصروف آصف زرداری بھی پریشان ہو جائیں گے۔
”پاکستان ٹائم“کے مطابق اپنے ایک بیان میں علی زیدی نے کہا ہے کہ بلاول کو اتحاد نہ کرنے کے اپنے بیان پر قائم رہنا چاہیے۔واضح رہے کہ الیکشن سے پہلے بلاول بھٹو نے امریکی نشریاتی ادارے سے گفتگو کرتے ہوئے کہا تھا کہ پیپلز پارٹی کا مسلم لیگ ن سے اتحاد مشکل ہے،میرے لیے مسلم لیگ ن کے ساتھ چلنا اب بہت مشکل ہے،یہ مسلم لیگ میثاق جمہوریت والی مسلم لیگ نہیں رہی،یہ ووٹ کو عزت دو والی نہیں بلکہ آئی جے آئی والی مسلم لیگ ہے،یہ امیر المومنین بننے کے خواب دیکھنے والی مسلم لیگ ہے۔
