لاہور (سٹاف رپورٹر)پاکستان مسلم لیگ ن نے کہا ہے کہ پاکستان تحریک انصاف( پی ٹی آئی) نے جعلی فارم 45 بنائے، تحریک انصاف انٹرنیشنل میڈیا پر جھوٹ بول کرجعل سازی کر رہی ہے،یہ جیت کر بھی دھاندلی کا الزام لگا رہے ہیں،امریکہ کو ملکی انتخابات میں مداخلت دعوت پاکستان کی خود مختاری کے خلاف ہے، عمران خان نے کہا ہے آو امریکہ میری مدد کرو،ان کا ”ایبسلوٹلی ناٹ“؟”ہم غلام نہیں ہیں“کا نعرہ کہاں گیا؟۔
لاہور میں عطاء اللہ تارڑ کے ہمراہ پریس کانفرنس کرتے ہوئے مریم اورنگزیب نے کہا کہ مہم چلائی گئی کہ الیکشن نہیں ہو رہے،ن لیگ بھاگ رہی ہے جبکہ یہ الیکشن ہمارے لیے اہم تھا کیوں کہ 2013 کے بعد اصلی الیکشن ہو رہا تھا، الیکشن میں صبح سے شام تک کسی جماعت نے اعتراض نہیں اٹھایا،الیکشن کی کارروائی پر کہیں سے کسی نے کوئی سوال نہیں اٹھایا،ان لوگوں نے فارم 45 پہلے مارکیٹ میں فلوٹ کیے،سوشل میڈیا پر پہلے فارم 45 پھیلائے گئے،ابھی فارم 45 مرتب کیے جارہے تھے تو پہلے ہی ٹی وی پر چلنے لگے،میڈیا کو بتاتی رہی کہ جو ٹی وی پر فارم 45 چل رہے ہیں وہ غلط ہیں،ایک وائٹ پیپر ہم بھی تیار کر رہے ہیں،الیکشن کمیشن پر سکرین شاٹس جمع کرائے گئے جو اصلی فارم 45 نہیں،ہمارے پاس جو فارم 45 ہیں وہ جعلی،ٹی وی پر اصلی ہیں تو ایسا نہیں ہو سکتا،الیکشن کمیشن ویب سائٹ پر جو فارم 45 اپ لوڈ ہوتا ہے وہ اصل ہوتا ہے،میڈیا پر بات کر رہے ہیں کہ ہمارے فارم 45 ٹھیک ہیں اور ان کے غلط، الیکشن کمیشن میں یہ فارم 45 جمع کرائیں گے تو جعلی ثابت ہو جائیں گے،یہ نہیں ہو سکتا کے پی کے فارم 45 اصلی اور باقی جعلی ہیں۔مریم اورنگزیب نے کہا کہ اب یہ کہتے ہیں امریکہ مداخلت کرے،امریکہ کیا کرے گا؟بقول آپ کے امریکہ نے تو سازش کر کے آپ کی حکومت گرائی تھی۔مریم اورنگزیب کا کہنا تھا کہ یہ صرف ملک میں ناکام سازش کو دوبارہ شروع کرنا چاہتے ہیں، آپ کے پاس لیگل فورمز موجود ہیں وہاں جائیں،یہ انٹرنیشنل میڈیا پر جھوٹ بول کر جعلسازی کر رہے ہیں،یہ جیت کر بھی دھاندلی کا الزام لگا رہے ہیں،انہوں نے میڈیا میں بیٹھے چند عناصر کو استعمال کر کے جھوٹا بیانیہ بنایا،ہمارے پاس بندروں والی پٹاری نہیں جوجب چاہے شروع ہوجائے،عمران خان کی جانب سے یہ کہنا آو امریکہ میری مدد کرو،اب وہ ”ایبسلوٹلی ناٹ“ کہاں گیا؟”ہم غلام نہیں ہیں“کہاں گیا؟اس طرح کسی ملک کو دعوت دینے کا کیا مطلب ہے؟یہ امریکن ایجنٹس ہیں انہیں فنڈنگ آتی ہے اور کارکردگی نہ دکھائی تو کیا جواب دیں گے امریکہ کو اسی لیے یہ شور مچا رہے ہیں؟میڈیا میں بیٹھے چند عناصر کو استعمال کر کے انہوں نے جھوٹا بیانیہ بنایا،انہوں نے میڈیا کا استعمال کیا،مولانا فضل الرحمان ہم سب کے لیے قابل احترام ہیں،مولانا صاحب کو میں جانتی ہوں اتحاد مجھے ہوتا نظر نہیں آ رہا،درخواست ہے عالمی میڈیا پی ٹی آئی سے فارم 45 کا تقاضا کرے۔
اس موقع پر عطاء تارڑ نے کہا کہ باقاعدہ بیرونی طاقتوں کی مدد،منصوبہ بندی سے نتائج توڑ مروڑ کر پیش کیے گئے، پی ٹی آئی نے کے پی میں ڈیجیٹل ٹیر رازم کا ایک سیل بنایا جس پر 100 ارب خرچ کیے،جعلی فارم 45 سوشل میڈیا اور میڈیا کو فراہم کیے گئے،پی ٹی آئی کا کے پی میں سیل سوشل میڈیا پر جعلی فارم 45 پھیلا رہا تھا،کے پی میں شاباشی لے رہے ہیں،پنجاب میں دھاندلی کا رونا رو رہے ہیں،دھاندلی ہونا تھی تو رانا ثناء اللہ،سعد رفیق،جاوید لطیف اور خرم دستگیر ہارتے؟ کے پی کے سوا جہاں ہارے وہاں آپ سمجھتے ہیں کہ دھاندلی ہوئی ہے،فارم 45 سے جو کھلواڑ کیا گیا وہ جمہوریت ڈی ریل کرنے کے لیے کیا گیا۔
