لاہور(شوبز ڈیسک) شارٹ کٹ سے شہرت کمانے کومعروف اداکارہ نیلم منیر نے بے وقوفی قرار دیدیا اور کہاکہ اچھا فنکار وہی کہلاتا ہے جو اپنی محنت کے ساتھ انصاف کرے۔ حال ہی میں دیئے گئے ایک انٹرویو میں نیلم منیر نے کہا کہ زندگی میں جتنی شہرت ملی اس کا تصور بھی نہیں کیا لیکن ابھی مزید بہت کچھ کرنا چاہتی ہوں،میں نے ہمیشہ کوشش کی ہے کہ منافق لوگوں سے دور رہوں کیونکہ یہ لوگ انتہائی خطرناک ہوتے ہیں اور زندگی میں کامیابی کیلئے ان سے بچنا بھی ضروری ہے۔ اداکارہ نیلم منیر نے مزید کہا کہ اب تک جتنے بھی کردار اد ا کئے ہیں شائقین نے بہت پسند کئے ہیں جس کی بہت خوشی محسوس ہوتی ہے۔
