راولپنڈی(بیورو رپورٹ)کمشنر راولپنڈی لیاقت علی چٹھہ کے تہلکہ خیز انکشاف کے بعد ملکی سیاست میں ہلچل مچی ہوئی ہے ،ایسے میں راولپنڈی کے ایک اور اہم ترین افسر اچانک چٹھی لے کر بیرون ملک روانہ ہو گئے ہیں ۔
”پاکستان ٹائم“کے مطابق ریجنل پولیس آفیسر (آر پی او) راولپنڈی سید خرم علی 15 دن کی چھٹی پر بیرونِ ملک روانہ ہوگئے۔ترجمان کے مطابق آر پی او راولپنڈی خرم علی 16 فروری کو ہی رخصت پر چلے گئے تھے، وہ اہلخانہ کے ہمراہ برطانیہ گئے ہیں، 2 مارچ کو واپسی ہے۔ترجمان کا کہنا ہے کہ گزشتہ روز کی پریس کانفرنس میں آر پی او کا نام شامل ہونے پر پوچھ گچھ کی جارہی ہے، آر پی او راولپنڈی خرم علی نے انتخابات سے قبل چھٹی کی درخواست دی تھی۔
