لاہور(سٹاف رپورٹر)پاکستان مسلم لیگ کے مرکزی رہنما اور سابق وفاقی وزیر خواجہ سعد رفیق نے اپنی پارٹی قیادت کو ایسا مشورہ دے دیا ہے کہ شہباز شریف بھی دنگ رہ جائیں گے۔
ُُ”پاکستان ٹائم“کے مطابق خواجہ سعد رفیق نے لاہور میں کارکنان سے خطاب کرتے ہوئےکہا کہ ن لیگ غلطیوں کی نشاندہی کرکے اپنی اصلاح کرے،ہماری جماعت غلطیوں کو تلاش کرے اور اپنی اصلاح کرے،عمران خان نے ڈیجیٹل میڈیا کی طاقت کو استعمال کیا،مجھے خطرہ ہے کہ ایک دوسرے کو راستہ نہ دیا گیا تو نازک جمہوریت کو آخری موقع ہو گا۔انہوں نے کہا کہ چیف الیکشن کمیشن سے کوئی شکایت نہیں لیکن اس حلقے سے نا انصافی کی گئی،انتخابات میں میرے حلقے کے ٹکڑے کئے گئے،عدالتوں میں اور الیکشن کمیشن نے اس حوالے سے ہماری شکایت نہیں سنی،اس الیکشن میں امیر جیت گئے اور غریب ہار گئے،امیروں نے اپنے ملازمین کو گاڑیوں میں ڈالا اور ووٹ ڈلوائے،اگر پنجاب میں ن لیگ جیتی تو کیا کے پی کے،سندھ اور بلوچستان میں دھاندلی نہیں ہوئی؟میاں نواز شریف کا اثاثہ چھیننے کی باتیں ہو رہی ہیں۔سعد رفیق کا کہنا تھا کہ 2010 میں عمران پراجیکٹ تیار کیا گیا اور نفرت کے بیج بوئے گئے،نفرت کے بیج کس نے بوئے یہ بات اب واضح ہونا چاہیے،پاکستان کو بیرون ملک سے کمزور کرنے کی کوشش کی جا رہی ہے،نفرت اور تلخی کے ماحول میں انتخابات کو سب کیسے تسلیم کریں گے؟برسوں بعد ایک چیف جسٹس آیا جو نظریہ ضرورت پر یقین نہیں رکھتا،عمران خان پاکٹ چیف جسٹس،آرمی چیف رکھنا چاہتے ہیں،عمران خان کو کہتا ہوں کہ ڈھونڈیں کہ کہاں غلطیاں ہیں جنہیں درست کرنے کی ضرورت ہے،عمران خان کو نفرت کی سیاست چھوڑنا ہو گی،کوئی انتقام، بدلہ نہیں،مل کر آگے بڑھنا چاہیے،لوگوں کے تن پر کپڑا،پیٹ میں روٹی نہیں،چھت نہیں،چوک چوراہوں میں مانگنے والوں کی تعداد بڑھ گئی ہے،لوگوں کا مینڈیٹ چھیننے والے کہاں گئے۔
