ممبئی (شوبز ڈیسک)بالی ووڈ کے سپر اسٹار عامر خان نے خود کو مسٹر پرفیکٹ کہنے سے منع کر دیا۔
”پاکستان ٹائم “کے مطابق بلاک بسٹر فلموں کی وجہ سے عامر خان کو مسٹر پرفیکٹ کا لقب دیا گیا لیکن اب اداکار کو لگتا ہے کہ وہ مسٹر پرفیکٹ کہلانے کے قابل نہیں ہیں۔بھارتی میڈیا کو دیے گئے انٹرویو میں عامر خان نے کہا کہ مجھے مسٹر پرفیکشنسٹ کہنا غلط ہے لیکن کبھی کبھی آپ کے نام کے ساتھ کوئی خاص لقب لگا دیا جاتا ہے اور اس سے کوئی فرق نہیں پڑتا ہے کہ آپ حقیقت میں وہ ہیں یا نہیں۔عامر خان نے کہا کہ میں پرفیکشنسٹ نہیں ہوں بلکہ میں ایک ایسا شخص ہوں جو صرف سخت محنت کرتا ہے، بہترین کام کے لیے کوشش کرتا ہے کیونکہ مجھے اپنے کام سے پیار ہے۔
