لاہور(زوہا راشد سے )قومی ٹیم کے فاسٹ بولر حسن علی کے ہاں آج صبح دوسری بیٹی کی پیدائش ہوئی ہے۔
”پاکستان ٹائم“کے مطابق پاکستان کرکٹ ٹیم کے فاسٹ بولر حسن علی نے دوسرے بچے کی پیدائش کی خوشخبری انسٹاگرام پر مداحوں کے ساتھ شیئر کی جس پر لوگوں کی جانب سے مبارک باد دی گئی۔انسٹاگرام پوسٹ پر حسن علی نے بتایا کہ نومولود بیٹی اور اہلیہ دونوں صحت مند ہیں اور بیٹی کا نام ”ہیزل حسن علی“ رکھا ہے، آپ سب سے گزارش ہے کہ ہمیں اپنی دعاوں میں یاد رکھیں۔واضح رہے کہ حسن علی کے ہاں پہلی بیٹی کی پیدائش اپریل 2021ء میں ہوئی تھی۔یاد رہے کہ حسن علی کی اہلیہ سمیعہ خان کا تعلق انڈیا کے شہر ہریانہ سے ہے،ان دونوں کی شادی 2019 میں ابو ظبی میں ہوئی تھی۔
