لاہور(وقائع نگار خصوصی)وزیراعلی پنجاب مریم نوازشریف نے پنجاب بھر کے 300سپیشل ایجوکیشن سکولز کوسنٹر آف ایکسی لنس بنانے کا اعلان کیا ہے۔وزیراعلیٰ مریم نوازشریف نے پنجاب بھر میں ہیرنگ ایڈ کی فراہمی اور انرولمنمٹ مہم کے آغاز کیلئے سپیشل ایجوکیشن کی تقریب میں شرکت کی اور اپنی نشست چھوڑ کر سپیشل بچوں کے درمیان بیٹھ گئیں۔وزیر اعلیٰ مریم نواز شریف نے سپیشل بچی کو گود میں اٹھا لیا۔وزیراعلی مریم نوازشریف نے یونیسف اور جی پی ای کے تعاون سے ہیرنگ ایڈ کے لئے قائم سٹال کا دودہ کیا۔وزیر اعلیٰ مریم نواز شریف نے قوت سماعت سے محروم بچوں کے طبی ٹیسٹ کا مشاہدہ کیا۔وزیر اعلیٰ مریم نواز شریف نے سپیشل بچوں کی دستکاریوں اور پینٹنگ کا مشاہدہ کیا۔وزیر اعلیٰ مریم نواز شریف کو سرگودھا سپیشل ایجوکیشن کے طلبہ نے پینٹنگ اور سکیچ پیش کیا۔وزیر اعلیٰ مریم نواز شریف نے پینٹنگ اور سکیچ بنانے والے بچوں سے شفقت کا اظہار کیا۔آوٹ آف سکول سپیشل بچوں کی انرولمنٹ مہم کا باقاعدہ آغاز کیا۔وزیر اعلیٰ مریم نواز شریف نے مہوش ممتا ز محمد حماد غلام فرید فرمان علی ام ایمن آلہ سماعت دیئے۔سپیشل بچوں نے تلاوت اور نعت رسول اور بصارت سے محروم بچیوں نے قومی ترانے اور ملی نغمہ پیش کیا۔تقریب میں یونیسف کے نمائندے عبداللہ فادل اور سیکرٹری سپیشل ایجوکیشن صائمہ سعید نے بھی خطاب کیا۔وزیراعلی مریم نوازشریف نے تقریر سے قبل سپیشل بچوں کو سٹیج پر بلا کر بٹھا یا۔وزیر اعلیٰ مریم نواز شریف نے روایتی ڈائس کی بجائے بچوں کے درمیان بیٹھ کر خطاب کیا۔وزیر اعلیٰ مریم نوازشریف نے سپیشل ایجوکیشن کی تقریب سے خطاب کرتے ہوئے کہا کہ یہ پیارے بچے، سب کے سب ہیروز ہیں میرے۔ہیرنگ ایڈ دینے پر یونیسف، جی پی ای اور سپیشل ایجوکیشن کا شکریہ ادا کرتی اور شاباش دیتی ہوں۔سپیشل بچوں سے ملاقات کرکے بہت خوش ہوں۔سپیشل بچوں کو ہیروز اس لیے کہا ہے کہ سب ہونے کے بعد کچھ کر لینا آسان ہے، لیکن یہ ہیرو مشکلات کے ساتھ کمال کرتے ہیں۔وزیر اعلیٰ مریم نوازشریف نے کہا کہ یہ بچے سیڑھیاں نہیں چڑھ سکتے پر سکول آتے ہیں، سن نہیں سکتے پرسکول آتے ہیں، یہ ہیں اصل ہیرو۔ سپیشل بچوں کی پینٹنگ اور آرٹ کودیکھا، حیران رہ گئی، دل خوش ہو گیا۔سپیشل بچوں کے اساتذہ کو شاباش دیتی ہوں۔ وزیراعلیٰ مریم نوازشریف نے کہا کہ 300سپیشل ایجوکیشن سکولز کو سنٹر آف ایکسی لینس بنائیں گے۔ہر ضلع میں سپیشل بچوں کے لئے سنٹرآف ایکسی لینس بنا رہے ہیں، عالمی معیار کی ہر سہولت ہوگی۔ سپیشل بچوں کو مین سٹریم میں لانے کیلئے جو کرنا پڑا کریں گے۔ فنڈز جاری کر دیے ہیں، آٹزم کے لیے سپیشل ادارہ بنائیں گے۔انہوں نے کہا کہ آج آلہ سماعت دے رہے ہیں جس کو ویل چیئر چاہیے مجھے لکھیں، فوراً ملے گی۔ جلد ایک وہیل چیئر فراہمی کا پراجیکٹ لانچ کر رہی ہوں۔بچوں کو ہیرنگ ایڈ اور عینک فراہم کی جائے تو بچے سپیشل سکول سے نکل کر عام سکول میں آ جائیں گے۔آج جو پیار ان بچوں سے ملا زندگی بھر کے لیے مقروض ہو گئی۔بچوں سے مل کر سپیشل بچوں کی خدمت کا ارادہ سو سے ہزار فیصد بڑھ گیا۔ وزیر اعلیٰ مریم نوازشریف نے کہا کہ بچے نے اشارے سے نواز شریف کے بارے میں پوچھا ہے، اس بچے کا پیغام پہنچاؤں گی۔ اللہ تعالی سپیشل بچوں کی ضرورت پوری کرنے کی توفیق دے۔ اللہ تعالیٰ مجھے میرے سپیشل بچوں کے بارے میں خواب پورے کرنے کی توفیق دے۔وزیراعلیٰ مریم نوازشریف نے تقریر کو اشاروں کی زبان میں بھی پیش کیا گیا۔سینیٹر پرویز رشید،سینئر صوبائی وزیر مریم اورنگزیب، وزیر اطلاعات عظمیٰ زاہدبخاری،وزیر سکول ایجوکیشن رانا سکندر حیات، وزیر بلدیات ذیشان رفیق، معاون خصوصی ذیشان ملک، ارکان اسمبلی، چیف سیکرٹری زاہد اختر،پرنسپل سیکرٹری وزیراعلی ساجد ظفر ڈال،سیکرٹریز اور دیگر نے شرکت کی۔
