کراچی(سپورٹس ڈیسک)انٹر نیشنل کرکٹ چونسل(آئی سی سی)چیمپئنز ٹرافی کے افتتاحی میچ میں نیوزی لینڈ نے پاکستان کو 60 رنز سے شکست دے دی تاہم پاکستانی شاہینوں نے بدترین شکست کے ساتھ ہی ون ڈے کرکٹ ٹورنامنٹ میں ایک نیا شرمناک ریکارڈ بھی اپنے نام کر لیا۔
”پاکستان ٹائم“کے مطابق نیشنل سٹیڈیم کراچی میں کھیلے گئے چیمپئنز ٹرافی کے افتتاحی میچ میں پاکستان نے نیوزی لینڈ کے خلاف ہدف کا تعاقب کرتے ہوئے پاور پلے(ابتدائی 10 اوورز)میں 22 رنز بنا کر اپنی سرزمین پر کم ترین سکور بنا نے کا شرمناک ریکارڈ اپنے نام کر لیا۔ایک روزہ فارمیٹ میں اننگز کے ابتدائی 10 اوورز میں 30 گز کے دائرے سے باہر صرف دو فیلڈر کھڑے کرنے کی اجازت ہوتی ہے،اس دوران افتتاحی میچ میں پاکستانی ٹیم دو وکٹوں کے نقصان پر 22 رنز بنا سکی۔اس سے قبل پاکستان نے انگلینڈ کے خلاف ہوم سیریز میں 19 رنز کا ریکارڈ بنایا تھا لیکن وہ میچ ابو ظہبی میں کھیلا گیا تھا۔پاکستان کا اس فارمیٹ میں تمام وینیوز کے اعتبار سے پاور پلے کے اندر سب سے کم سکور 9 رنز ہے جو نیوزی لینڈ کے خلاف ڈونڈِن میں 2018 میں بنایا گیا تھا۔
