لاہور(سٹاف رپورٹر)وزیراعلیٰ پنجاب کا ویژن،نوجوانوں کےلئے ٹیکنکل ایجوکیشن کے شاندار مواقع،مریم نواز شریف کی ہدایت پر ٹیکنیکل اور ووکیشنل اداروں کی آن لائن پورٹل رجسٹریشن آغازکل(یکم مارچ)سے ہو گا ۔
”پاکستان ٹائم“کے مطابق وزیر اعلیٰ مریم نواز شریف کی ہدایت پر نوجوانوں کے لئے ٹیکنکل ایجوکیشن کے لئے سہل اور تیز ترین آن لائن رجسٹریشن کا آغاز یکم مارچ(کل)سے ہو گا،درخواست وصولی سے لیکر سرٹیفکیٹ کے اجرا تک مکمل آن لائن ہو گا،تین سالہ ڈی اے ای کورسز کی رعایتی فیس میں مکمل دورانیہ کےلئے رجسٹریشن ہوگی،ادارے کے نام پر بیک اکاونٹ کھلوانے کی شرط میں نرمی اور اکاونٹ سرٹیفکیٹ کے اجراء سے مشروط کر دیا گیا ہے جبکہ طلبہ اور والدین کے لئے دفاتر کے چکر لگانے کی پریشانی سے آزادی اور ایک ہی کلک پر تمام معلومات کی فراہمی ممکن بنا دی گئی ہے۔پنجاب سکلز ڈویلپمنٹ اتھارٹی ایکٹ 2019ء کے تحت تمام اداروں کوپنجاب سکلز ڈویلپمنٹ اتھارٹی کے ساتھ رجسٹریشن کے پابند کر دیا گیا جبکہ خلاف ورزی کی صورت میں 6 ماہ قید اور 10 لاکھ روپے تک کا جرمانہ ہو گا۔پنجاب سکلز ڈویلپمنٹ اتھارٹی کی ویب سائٹ پر 622غیر قانونی/غیر منظور شدہ اداروں کی فہرست شائع کر دی گئی جبکہ تمام منظورشدہ اداروں کی تفصیل بمعہ کورسز اور تعداد ویب پورٹل میں موجود ہیں۔طلبہ کی سہولت پی ایس ڈی اے کی ویب سائٹ پر متعلقہ کورسز کے کریکولم موجود جبکہ ویب سائٹ پر کسی بھی غیر قانونی ادارے سے متعلق آن لائن شکایت بھی درج کرائی جا سکے گی۔طلبہ ویب پورٹل www.psda.punjab.gov.pk پر آن لائن رجسٹریشن کرا سکتے ہیں،طلبہ کے لئے ٹیکنیکل اور ووکیشنل اداروں کی مزید معلومات کے لئے 042-99231184 ہیلپ لائن جبکہ پنجاب سکلز ڈویلپمنٹ اتھارٹی کی ای میل registration@psda.punjab.gov.pk پر رابطے کی سہولت دی گئی ہے۔وزیر اعلیٰ پنجاب مریم نواز شریف کا کہنا تھا کہ نوجوانوں کو ہنر مند بنا کر خود روزگار کی طرف گامزن کرنا چاہتے ہیں،نوجوان ملک کا قیمتی اثاثہ بے روزگار کے مواقع مہیا کرنا چاہتے ہیں۔
