لاہور(شوبز ڈیسک)پاکستان شوبز انڈسٹری کی معروف اداکارہ صاحبہ نے اپنے ماضی کے ایک دلچسپ واقعے کا انکشاف کیا ہے،جب انہوں نے سیٹ پر ایک ساتھی اداکار کو اتنے زور سے تھپڑ مارا کہ وہ زمین پر جا گرا۔
”پاکستان ٹائم“کے مطابق اداکارہ صاحبہ نے حال ہی میں ایک نجی ٹی وی پروگرام میں بطور مہمان شرکت کی،جہاں میزبان نے ان سے سوال کیا کہ کیا کبھی شوٹنگ کے دوران آپ نے کسی کے ساتھ لڑائی کی یا کسی کو تھپڑ مارا؟جس پر صاحبہ نے جواب دیتے ہوئے کہا کہ یہ واقعہ ایک فلم کی شوٹنگ کے دوران پیش آیا،جب وہ فیصل قریشی کے ساتھ ایک گانے کی شوٹنگ کر رہی تھیں،اس فلم میں فیصل قریشی ہیرو تھے اور مجھے ایک گانے کی شوٹنگ کے دوران انہیں ایک دوسرے اداکار کے ساتھ ڈانس کر کے جلانا تھا،جب ہم یہ سین شوٹ کر رہے تھے تو میرا جو ساتھی اداکار تھا وہ حد سے زیادہ اوور ایکٹنگ کر رہا تھا اور جیسے ہی کیمرہ آن ہوا تو اس نے مزید اوور ایکٹنگ کی جس پر میں غصے پر قابو نہ رکھ سکی اور میں نے اسے تھپڑ مار دیا۔صاحبہ کا کہنا تھا کہ مجھے اب اس کا نام یاد نہیں ہے کیونکہ وہ ساتھی اداکار اس کے بعد شوبز انڈسٹری میں کام جاری نہ رکھ سکا اور نہ ہی وہ مشہور ہو پایا،فیصل قریشی نے اس دلچسپ واقعے کی ویڈیو بنائی تھی اور آج بھی جب وہ فیصل سے ملتی ہیں تو وہ اس تھپڑ کے واقعے کو ضروریاد کرتے ہیں۔
