اسلام آباد(نیوز رپورٹر )سعودی عرب کی وزارت داخلہ کے سینئرحکام کے وفد کی وزیر داخلہ رانا ثنااللہ خان سے ملاقات،وزات داخلہ کی طرف سے جاری تفصیلات کے مطابق پا کستان میں تعینات سعودی سفیر بھی ملاقات میں شر یک ہوئے،ملاقات میں وفاقی سیکرٹری داخلہ یوسف نسیم کھوکھراور وزارت داخلہ کے دیگراعلی حکام کی شرکت،
ملاقات میں پاک سعودی دو طرفہ تعلقات سمیت،باہمی دلچسپی کے دیگرامور پر بات چیت کی گئی،سعودی سفارتکارحسن القحطامی کے قتل کی تحقیقات اورمجرمان کی گرفتاری سے متعلق پیش رفت کا جائزہ لیا گیا،پاکستان اور سعودی عرب کے درمیان روڑ ٹو مکہ پراجیکٹ کے معاہدے سے متعلق پیش رفت کا جائزہ بھی لیا گیا،پاک سعودی روڈ ٹو مکہ پراجیکٹ معاہدے پر جلد دستخط کرنے پراتفاق کیا گیا،مشترکہ چیلنجز سے نمٹنے کیلئے دونوں ممالک کی داخلہ وزارتوں کے درمیان کوارڈینیشن مزید بہتر بنانے پر اتفاق،سعودی حکام کا پاکستان سعودی عرب تعلقات میں مزید مضبوطی کےلئے ہمہ جہت کوششیں کرنے پر اتفاق کیا گیا،وزیر داخلہ نے حالیہ سیلاب میں متاثرین کیلئے ہنگامی انسانی امداد دینے پر سعودی حکومت کا شکریہ ادا کیا۔
اس موقع پر وزیر داخلہ نے کہا کہ پاکستان اورسعودی عرب کے درمیان سکیورٹی تعاون مزید بڑھائیں گے۔پاکستان اورسعودی عرب ملکر تمام داخلی اورعلاقائی سکیورٹی چیلنجز کا مقابلہ کرینگے۔سعودی سفارتکار کے قتل میں ملوث مجرمان کو جلد قانون کے کٹہرے میں لائیں گے۔مجرمان کی گرفتاری کیلئے تمام وسائل بروئے کار لائیں گے۔سعودی سفارتکار کے لواحقین اور خاندان کے دیگر افراد سے انتہائی ہمدردی ہے۔ پاکستان اورسعودی عرب کے تعلقات تاریخی، دیرینہ اوربرادرانہ ہیں۔پاکستان کے عوام خادمین حرمین شریفین سے خاص عقیدت اورمحبت رکھتے ہیں۔سعودی عرب نے پاکستان کے مشکل ترین حالات میں ہمیشہ فراخدلانہ مدداورمعاونت کی ہے۔
