اسلام آباد(وقائع نگار خصوصی)سابق وفاقی وزیر اطلاعات اور پاکستان تحریک انصاف(پی ٹی آئی) کے مرکزی رہنما چوہدری فواد حسین نے کہا ہے کہ ملکی نظام انصاف پر ہمیں اعتماد ہی نہیں ہے،چار دن سے ہمارے سینیٹرز سڑکوں پر ہیں،عمران خان پر جو قاتلانہ حملہ ہوا اس پر نوٹس ہی لے لیں،عمر فاروق نامی شخص کو گھڑی نہیں بیچی گئی،فرح گوگی کے شوہر عمر فاروق سے کبھی نہیں ملے،پی ٹی آئی نے عمر فارق کے ساتھ جنگ گروپ کے خلاف بھی لندن میں قانونی کارروائی کا فیصلہ کیا ہے،عمر فاروق کیخلاف دبئی میں بھی قانونی کارروائی کریں گے،عمران خان کی کال پر لاکھوں لوگ راولپنڈی کا رخ کریں گے،جہاں پاکستان کی تاریخ کا سب سے بڑا اجتماع ہوگا۔
شیریں مزاری اور ذلفی بخاری کے ساتھ پریس کانفرنس کرتے ہوئے فواد چودھری نے کہا کہ پی ٹی آَئی ملک میں کرپشن کے خاتمے کے بیانیے کیخلاف کھڑی ہے،عمران خان سے پہلے پاکستان میں کرپشن کوئی مسئلہ ہی نہیں تھا،2018 میں سعودی بادشاہ نے ایک گھڑی عمران خان کو تحفے میں دی،گھڑی کی کیا قیمت ہے؟یہ تنازع چلتا آ رہا ہے،جب تحائف پاکستان پہنچتے ہیں تو توشہ خانے کے حوالے کر دیے جاتے ہیں،چیف آف پروٹوکول تحفے وصول کر کے پاکستان لاتے اور توشہ خانے کے حوالے کرتے ہیں،عمران خان یا کوئی بھی وزیراعظم تحفے براہ راست وصول نہیں کرسکتے،کابینہ ڈویژن کے تحت تحائف کی ویلیو ایشن ہوتی ہے،قانون تھا کہ 20 فیصد ویلیو ایشن کی قیمت ادا کر کے تحفہ لے سکتے تھے،ہم نے قانون تبدیل کیا،اب 50 فیصد قیمت ادا کر کے تحفہ لے سکتے ہیں،گھڑی کی 10 کروڑ قیمت مقرر کی گئی،قانون کے مطابق 20 فیصد قیمت ادا کر کے گھڑی لی گئی، 5 کروڑ 70 لاکھ میں عمران خان نے مارکیٹ میں گھڑی بیچ دی،گھڑی بیچنے پر کیپٹل گین ٹیکس ادا کیا گیا،عمر ظہور نامی کسی شخص کو یہ گھڑی نہیں بیچی تھی،گھڑی بیچنے کے لیے فرح کے حوالے نہیں کی گئی،نہ ان کا اس سے تعلق ہے۔
انہوں نے عمر فاروق ظہور کے حوالے سے کہا کہ عمر ظہور 4 بھائی ہیں، 3 بھائی ناروے کی جیل میں ہیں، عمر ظہور پر بھی کریمنل کیسز ہیں، عمر ظہور نے ماڈل صوفیہ مرزا سے شادی کی تھی،وہ جعلی کاغذات پر اپنے بچوں کو دبئی لے کر گئے،عمر ظہور کے خلاف دبئی میں قانونی کارروائی کا آغاز کر رہے ہیں،ملکی نظام انصاف پر ہمیں اعتماد ہی نہیں ہے،چار دن سے ہمارے سینیٹرز سڑکوں پر ہیں،عمران خان پر جو قاتلانہ حملہ ہوا اس پر نوٹس ہی لے لیں،پی ٹی آئی اور عمران خان ایک ہی جمہوری نظام کے لیے کھڑے ہیں،عمر فاروق پر جرائم کے مقدمات ہیں،عمر فاروق پاکستان سے جعلی کاغذات پربچوں کو دبئی لیکر گئے تھے،پی ٹی آئی نے عمر فارق کے ساتھ جنگ گروپ کے خلاف بھی لندن میں قانونی کارروائی کا فیصلہ کیا ہے۔
رہنما پی ٹی آئی شیریں مزاری نے کہا کہ یوسف رضا گیلانی کی اہلیہ نے سیلاب متاثرین کو ملنے والا ہارچوری کیا تھا، ہمیں سب پتہ ہے کونسی طاقتیں ہیں جو عمران خان کیخلاف کھڑی ہیں،جب انہیں عمران خان کیخلاف کچھ نہیں ملاتو ایک کریمنل کو سامنے لے آئے لیکن قوم اس وقت عمران خان کیساتھ کھڑی ہے،ایک کریمنل کو لاکر شواہد ظاہر کیے جارہے ہیں،یہ بوکھلاہٹ ہے،ریاست اس وقت مضبوط ہوتی ہے جس عوام ریاست کے پیچھے کھڑے ہو۔
دوسری جانب ذلفی بخاری نے کہا کہ توشہ خانہ سے آصف زرداری اور نواز شریف نے بھی گاڑیاں لی تھیں،آصف زرداری اور نوازشریف نے قانون کی خلاف ورزی کرتے ہوئے گاڑیاں لیں،پروگرام سے پہلے پنٹر کو کال کر کے قیمت بڑھاوائی گئی،دبئی سمیت دنیا کے ہر کونے میں کیمرے ہیں،جس ڈیلر کو تحفہ 5 کروڑ70 لاکھ میں بیچا گیا اس نے 6 کروڑ 10لاکھ میں بیچا،الزام لگانے والوں کے پاس فرح بی بی کے جانے کی کوئی ایک فوٹیج تو ہوگی،کہا گیا کہ 2 ملین ڈالر بغیر کسی رسید یا ثبوت کے دے د یئے ہیں،عمرفاروق فرح کو پیسے دینے کا جو دعویٰ کررہے ہیں،اس کی فوٹیجز بھی سامنے لائیں، ایک ماہ سے سرکس جاری ہے،اس کا ماسٹر مائنڈ کون ہے؟پتا نہیں کیوں قوم بھول گئی کہ یوسف رضا گیلانی نے ہار اپنے لیے رکھ لیا تھا۔
