ہنزہ (ایجوکیشن رپورٹر )چین کی جانب سے پاکستان کے شمالی علاقوں میں تعلیم کے فروغ کے سلسلے میں قراقرم انٹرنیشنل یونیورسٹی (کے آئی یو)ہنزہ کیمپس کے 15 طالب علموں کو’چائنا پاکستان فرینڈشپ ایمبیسیڈرل میرٹ کم نیڈ سکالر شپ’پروگرام کے ذریعے مالی معاونت فراہم کی گئی ہے۔
یہ بھی پڑھیں:چین کی جانب سے گوادر میں یتیم بچوں کے لئے سٹیشنری اور گرانٹس کا عطیہ
پاکستان ٹائم کے مطابق کے آئی یو ہنزہ کیمپس میں منعقدہ ایک تقریب کے دوران طلبا کو سکالرشپ چیک پیش کیے گئے۔تقریب کے مہمان خصوصی ہائر ایجوکیشن کمیشن (ایچ ای سی)میں چین پاکستان اقتصادی راہداری سیل کے ڈائریکٹر جنرل ڈاکٹر صفدر علی شاہ تھے۔انہوں نے طلبا میں چیک تقسیم کرتے ہوئے سکالرشپ کے لیے کوالیفائی کرنے والے مستحق طالب علموں کو مشورہ دیا کہ سکالرشپ کے مقصد کو پورا کرنے کے لیے اپنی تعلیم پر پیسہ خرچ کریں۔انہوں نے شمالی خطے میں تعلیم کے حوالے سے فراخدلانہ تعاون پر چینی سفارت خانے کا شکریہ ادا کیا۔پاکستان ٹائم کے مطابق چینی ایمبیسیڈرل پروگرام کے سکالرشپ پروگرام کے تحت کے آئی یو مین کیمپس اور اس کے ذیلی کیمپسز کے ضرورت مند اور ہونہار طلبا میں ہر سال 140 سکالرشپس تقسیم کی جاتی ہیں۔صنفی توازن کے مسئلے کو حل کرنے کے لئے فائدہ اٹھانے والوں میں کم از کم 50 فیصد خواتین ہیں۔ 30 اگست 2023 اسلام آباد میں چین کے سفارت خانے نے گلگت بلتستان میں کے آئی یو میں تعلیمی کارکردگی کو فروغ دینے کے لئے 70 لاکھ روپے کی گرانٹ دی۔ 20 جون 2023 کے آئی یو کے کم از کم 130 طالب علموں نے ‘چائنا پاکستان فرینڈشپ ایمبیسیڈرل میرٹ کم نیڈ اسکالرشپ’ پروگرام کے تحت مالی امداد حاصل کی۔یہ پروگرام صنفی توازن کو فروغ دیتا ہے اور سکالرشپ کا کم از کم آدھا حصہ کے آئی یو کے مرکزی اور ذیلی کیمپس دونوں میں طالبات کو دیا جاتا ہے۔
یہ بھی پڑھیں:چائنیز کالج نے کراچی انسٹی ٹیوٹ میں ای کامرس شارٹ کورس کا آغاز کر دیا
