کراچی (ایجوکیشن رپورٹر ) کراچی انٹر بورڈ میں پہلی بارتمام گروپس کے نتائج ایک ساتھ جاری کرنےکافیصلہ کیا گیا ہے تاہم سالانہ نتائج کی تقریب میں میڈیا کو مدعو نہیں کیا جائے گا بلکہ تمام میڈیا کو نتائج کی کاپیاں دفاتر بھیج دی جائیں گی ۔ صوبائی دارالحکومت کراچی میں انٹربورڈ کے نتائج کا اعلان 13 اکتوبرکو کیا جائے گا جس میں پری میڈیکل، پری انجینئرنگ اور کامرس کے نتائج کا ایک ہی دن اعلان ہوگا ۔ سالانہ نتائج کی تقریب میں صرف پوزیشن ہولڈرز کو بلانے کا فیصلہ کیا گیا ہے جبکہ پوزیشن ہولڈرز کو چیئرمین انعامات تقسیم کریں گے ۔
