لاہور (ایجوکیشن رپورٹر) اسلامی جمعیت طلبہ جامعہ پنجاب کے زیر اہتمام عظیم الشان فلسطین مارچ سے خطاب کرتے ہوئے ناظم جامعہ عثمان کھٹانہ نے کہا کہ پنجاب یونیورسٹی کے غیور طلبہ و طالبات فلسطینی مسلمانوں پر اسرائیلی جارحیت کی شدید مذمت کرتے ہیں۔ فلسطین پر اسرائیل کے ناجائز قبضہ ختم کیے بغیر پائیدار امن کا حصول ممکن نہیں ہے۔ انہوں نے کہا کہ غزہ میں زندگی بچانے والی ادویات اور ضروری اشیاءکی شدید قلت ہے۔ پنجاب یونیورسٹی میں فلسطینی مسلمانوں کی امداد کے لیے ریلیف کیمپ لگائے جائیں گے۔مزید برآں سیکرٹری اطلاعات ابراہیم شاہد کے مطابق پنجاب یونیورسٹی کے طلبہ و طالبات، اساتذہ اور ملازمین کی بڑی تعداد میں مارچ میں شرکت کی، عظیم الشان مارچ میں شریک طلبہ نے فلسطینوں سے اظہارِ یکجتی ہے لیے ہاتھوں میں پلے کارڈز ا±ٹھا رکھے تھے اور طلبہ نے اسرائیل کے خلاف شدید نعرے بازی بھی کی۔ فلسطین مارچ سوشیالوجی ڈیپارٹمنٹ سے شروع ہو کر فیصل آڈیٹوریم پر اختتام پذیر ہوا۔
