جہانگیر ترین،علیم خان اور چوہدری سرور کا ایسا فیصلہ کہ عمران خان بھی ششدر رہ جائیں

لاہور(سٹاف رپورٹر)پنجاب میںپاکستان تحریک انصاف(پی ٹی آئی)کا زور توڑنے کیلئے پاکستان پیپلز پارٹی(پی پی پی) کے چئیرمین اور سابق صدر مملکت آصف علی زرداری کا مبینہ منصوبہ سامنے آگیا،پی ٹی آئی کے سابق رہنماوں کی قیادت میں نئی پارٹی کے قیام کی تیاریاں جاری ہیں۔
’پاکستان ٹائم‘ کے مطابق نئی جماعت کی تشکیل کے لیے رابطوں اور ملاقاتوں کا سلسلہ شروع کر دیا گیا ہے،سینٹرل اور جنوبی پنجاب کے اہم خاندانوں کے افراد نئی پارٹی کا حصہ ہوں گے،جہانگیر ترین،علیم خان اور چودھری سرور گروپ کو نئی پارٹی میں عہدے مل سکتے ہیں جبکہ نئی جماعت کی قیادت پی ٹی آئی پنجاب کی سابق اہم شخصیت کریں گی۔ذرائع کے مطابق نئی جماعت عام انتخابات میں انتخابی نشان کے ساتھ میدان میں اترے گی اور یہ نئی جماعت پیپلز پارٹی اور ن لیگ کے ساتھ سیٹ ایڈجسٹمنٹ کے تحت انتخابات میں بھی حصہ لے گی۔نئی جماعت پنجاب میں پی ٹی آئی کے مضبوط حلقوں میں امیدوار کھڑے کرے گی اور جیت کی صورت میں پنجاب میں اگلا وزیر اعلیٰ نئی جماعت سے بھی ہو سکتا ہے۔

اس خبر پر اپنی رائے کا اظہار کریں

اپنا تبصرہ بھیجیں