لاہور(سٹاف رپورٹر)وفاقی وزیر داخلہ رانا ثناءاللہ خان نے سابق وزیراعظم عمران خان پر منی لانڈرنگ اور ڈالرز سمگلنگ کا الزام عائد کرتے ہوئے کہا ہے کہ ڈالر خرید کر سمگلنگ و منی لانڈرنگ کی،مہنگائی کے ذمہ دار عمران خان اور پرویز الٰہی ہیں،الیکشن کسی مسئلے کا حل نہیں،ضرورت اس بات کی ہے کہ معیشت کو سنبھالا جائے،الیکشن وقت پر ہوں اس وقت اعمال و کام عوام کے سامنے ہوں گے،وفاقی حکومت نے کہا تو عمران خان کا نام ای سی ایل میں ڈال دیں گے ۔
پنجاب اسمبلی کے باہر میڈیا ٹاک کرتے ہوئے رانا ثناءاللہ نے کہا کہ سب سے پہلے پوری قوم کو مبارکباد دینا چاہوں گا جنیوا میں سیلاب سے مشکلات و نقصان ہوا اس کانفرنس میں پوری دنیا پاکستان کے ساتھ کھڑی ہوئی،شہبازشریف کی کال پر دنیا پاکستان و اتحادی حکومت کے ساتھ کھڑی ہے،دنیا نے پاکستان کی مدد اور جو اعتماد کا اظہارکیا،ان لوگوں کے خلاف جو ملک میں تین ماہ سے ڈیفالٹ مہم ہے ان کے منہ پر طمانچہ ہے۔آٹھ کے بجائے گیارہ ارب ڈالر کی جنیوا امداد حاصل کی جو ایک گرانٹ ہے وہ قرضہ نہیں،اس سے ڈالر سستا مہنگائی دور ہوگی،معیشت کو عمرانی ٹولہ نے تباہ کیا عمرانی ٹولے کا پاپولر ڈرامہ تین ماہ میں انجام کو پہنچے گا،ہم الیکشن جیت کر جس کا سفر جنیوا سے شروع ہوا پاکستان کو اس سطح پر لے جائیں گے جو ہمارے دور میں شروع ہوا تھا،معیشت بہت زیادہ خرابی کی طرف جا رہی تھی قوم کو مبارک کل پیسہ مل گئے ہیں۔
انہوں نے کہا کہ اقلیتی حکومت جو پرویز الٰہی اس وقت مسلط ہیں،حال یہ ہے میرا داخلہ بند کرنے کی کوشش کی، سکیورٹی اہلکاروں نے مجھے دیکھ کر غیر قانونی احکامات ماننے سے انکار کر دیا،ایسے ہتھکنڈوں پر آئے جب نمبر پورے نہیں ہیں،زمان پارک میں ملاقات میں تین ہزار ارب روپے کا وزیر اعلی پنجاب،اعجاز نیازی پر بھی الزام لگایا گیا ہے،دو تین ماہ میں پنجاب کو اتنا لوٹا جس کی مثال نہیں ملتی،ڈالر خرید کر سمگلنگ و منی لانڈرنگ کی مہنگائی کے ذمہ دار عمران خان اور پرویز الٰہی ملوث ہیں جلد ہی سامنے آجائیں گے،ساری تحقیقات کاغذات میں موجود ہیں،مونس الٰہی واپس آئیں،آکر جواب دیں،خود ہی چور کل آپس میں دست و گریباں ہوئے،تین ہزار ارب روپے لوٹ لیا ہے،ان کا مکروہ چہرہ سامنے آ گیا ہے،ہاﺅس میں جانے سے کسی کو بھی اندر جانے سے روکا جا سکتا،سپیکر کا اندر جانے سے روکنے کا حکم غیر قانونی ہے،میں خود بھی پارلیمنٹیرین ہوں،اگر ایسا کریں گے انجام زیادہ نزدیک ہوگا،ہم نے نمبر پورے ہونے کی کبھی بات نہیں کی، 179 ہے کوشش ہے189 ہوجائے،انکے پاس 186 نہیں ہے،اس صورتحال میں نیا وزیر اعلی کا الیکشن ہوتا تو رن آف الیکشن سے اکثریت والا ہی وزیراعلی منتخب ہو سکتا ہے،آخری آپشن گورنر راج بھی لگ سکتا ہے،ہم توقع کرتے ہیں سکیورٹی والے سپیکر کے غیر قانونی احکامات کو نہ مانیں،داﺅ لگاکر ہیرا پھیری کرنا چاہتے ہیں لیکن ہیرا پھیری نہیں کرنے دیں گے۔ای سی ایل میں نام ادارے کے کہنے پر ڈالے جاتے ہیں،اگر وفاقی حکومت کی جانب سے عمران خان کے نام دئیے تو ای سی ایل میں ڈال دیں گے۔
مریم نواز کے بارے میں بات کرتے ہوئے وفاقی وزیر داخلہ نے کہا کہ مریم نواز کو سینئر نائب صدر اورپارٹی کا چیف آرگنائزر بنانے کا فیصلہ ہزار فیصد قبول کیا ہے،نوازشریف بیماری کی وجہ سے بیرون ملک ہیں،شہبازشریف معیشت کےلئے مصروف ہیں،اس لئے کہا مریم نواز کو ذمہ داری دی جائے،مریم نواز پارٹی میں لیڈر شپ کا درجہ رکھتی ہیں،عمران خان نے جتنی گالیاں گھٹیا گفتگو الیکشن کمیشن کے خلاف کی تو فیصلہ پر نااہل ہوں گے اور چئیرمین شپ بھی جائے گی، عمران خان نے میرے اوپر کیسز بنائے،شہزاد اکبر نے کہا تھا کہ تھیلا گاڑی میں رکھوا دیں، عمران خان نے اے این ایف کو مینج کیا جس کے بعد میری گرفتاری کی گئی تھی، اگر میں نے بے شمار قتل کئے تو جھوٹا مقدمہ کیوں بنایا؟اس قتل کیسز کی تحقیقات میں گرفتار کروا لیتے،اگر الیکشن سے برسراقتدار آیا تو مخالفین کے خلاف انتقامی کارروائیاں کرے گا، اگر ناکام ہوگا تو الیکشن رزلٹ نہیں مانے گا۔
