خیبرپختونخوا کی 15رکنی نگران کابینہ تشکیل،کون کون شامل ہے؟جانئے

پشاور(خصوصی رپورٹر)خیبر پختونخوا کی 15 رکنی نگران کابینہ تشکیل دے دی گئی جبکہ کابینہ میں ایک خاتون بھی شامل ہے۔
”پاکستان ٹائم “ کے مطابق نگران وزیر اعلیٰ خیبرپختونخوا اعظم خان اور گورنر حاجی غلام علی کی طویل مشاورت کے بعد خیبرپختونخوا کی نگران کابینہ تشکیل دے دی گئی ہے،نگران کابینہ میں مجموعی طور پر 15 اراکین شامل ہیں۔گورنر خیبر پختونخوا حاجی غلام علی نے 15 رکنی نگران کابینہ کا اعلامیہ جاری کردیا۔صوبائی نگران کابینہ میں عبدالحلیم،سید مسعود شاہ،حامد شاہ،ایڈووکیٹ ساول نذیر،بخت نواز شامل ہیں۔فضل الٰہی،عدنان جلیل،شفیع اللہ خان اور شاہد خان خٹک کو بھی نگران کابینہ میں شامل کیا گیا ہے۔اس کے علاوہ حاجی غفران،خوشدل خان ملک،تاج محمد آفریدی،محمد علی شاہ اور منظور آفریدی بھی کابینہ کا حصہ ہیں،کابینہ میں ایک خاتون رکن جسٹس(ر)ارشاد قیصر کو بھی شامل کیا گیا ہے۔