اسلام آباد(سٹاف رپورٹر)عوامی مسلم لیگ کے سربراہ اور سابق وزیر داخلہ شیخ رشید احمد کے خلاف اسلام آباد اور مری کے بعد کراچی میں بھی مقدمہ درج کرلیا گیا،کراچی پولیس سابق وزیر داخلہ کو لینے کے لئے اسلام آباد پہنچ گئی ۔
”پاکستان ٹائم “ کے مطابق عوامی مسلم لیگ کے سربراہ شیخ رشید کے خلاف کراچی کے ماچکو تھانے میں بلاول بھٹو زرداری کے خلاف غیراخلاقی زبان استعمال کرنے پر مقدمہ درج کرلیا گیا۔ شیخ رشید کی گرفتاری کے لئے کراچی پولیس اسلام آباد پہنچ گئی ہے۔شیخ رشید کو جوڈیشل ہونے کے بعد سندھ پولیس کے حوالے کیا جائے گا۔شیخ رشید کے خلاف مری میں بھی مقدمہ درج ہے، سابق وزیر داخلہ کو سندھ پولیس کے بعد مری پولیس کے حوالے کیا جائے گا۔یاد رہے کہ شیخ رشید 2 روزہ جسمانی ریمانڈ پر اسلام آباد پولیس کی تحویل میں ہیں۔شیخ رشید کیس میں پہلے سے ہی گرفتار ہیں تو عین ممکن ہے کراچی پولیس اسلام آباد میں ان کی پیشی کے موقع پر گرفتاری حاصل کر لے لیکن کچھ بھی کہنا قبل از وقت ہوگا۔دوسری طرفشیخ رشید کے بھتیجے شیخ راشد شفیق نے کراچی میں درج ایف آئی آر موصول ہونے کی تصدیق کرتے ہوئے کہا کہ وہ اس اقدام کو عدالت میں چیلنج کریں گے۔
