لاہور(کرائم رپورٹر)لاہور پولیس شہریوں کو تحفظ فراہم کرنے میں ناکام ،صوبائی دارالحکومت میں 24گھنٹوں کے دوران مختلف جرائم کی 400سے زائد وارداتیں ہوئیں۔
”پاکستان ٹائم “ کے مطابق شہر میں ڈکیتی و راہزنی کی نان سٹاپ وارداتیں جاری ہیں ،گذشتہ 24گھنٹوں کے دوران شہر میں مختلف جرائم کی 401وارداتیں ریکارڈ ہوئیں،7راہزنی ،7موٹرسائیکلیں چھیننے ، ایک کارچوری،74موٹرسائیکلیں چوری، 3 نقب زنی اور متفرق چوری کی 308وارداتیں ہوئیں۔نواب ٹاو¿ن میں شہری ریحان امجد سے ڈاکوو¿ں نے اسلحہ کے زور پر موٹرسائیکل اور موبائل فون چھین لیا گیا، مناواں میں چور تالے توڑ کر مبارک علی کے گھر سے 13لاکھ 75ہزار مالیت کے طلائی زیورات اور نقدی لے اڑے۔رائیونڈ میں چور شہری خالد اعوان کے زیر تعمیر گھر سے 11لاکھ 30ہزار مالیت کا بجلی اور سینٹری کا سامان چوری کر کے لے گئے۔رائیونڈ میں ہی چور مبین اسلم کی دکان کے تالے تور کر 22لاکھ 4ہزار مالیت کے سگریٹ ، گھی اور دیگر سامان لے گئے۔گارڈن ٹاو¿ن میں چوروں نے تنویر عباس کی گاڑی چرالی ،شاہدرہ سے ذیشان ، رنگ محل سے زاہد ، اسلامپورہ سے نعمان ،لیاقت آباد سے شہباز، کاہنہ سے مسعود الحسن ، ساندہ سے عدیل نوید کی موٹرسائیکلیں چوری ہو گئیں۔
