استنبول(مانیٹرنگ ڈیسک)ترکی میں شدید زلزلے کے باعث جیل کی دیواریں منہدم ہونے پر کالعدم دہشت گرد تنظیم داعش کے 20 خطرناک قیدی فرار ہونے میں کامیاب ہو گئے۔
غیر ملکی میڈیا رپورٹس کے مطابق ترکی اور شام میں شدید زلزلے کے سبب ہلاکتوں کی تعداد 5000سے تجاوز کر گئی، آسٹریلیا، نیوزی لینڈ، امریکہ، جاپان اور جنوبی کوریا سمیت مختلف ممالک نے ترکی امداد روانہ کر دی ہے۔ زلزے کے بعد امدادی سرگرمیوں کیلئے آسٹریلیا ترکی کو 10 ملین آسٹریلوی ڈالر فرام کرے گا، نیوزی لینڈ نے 1.5 ملین نیوزی لینڈ ڈالر امداد کا اعلان کیا ہے جبکہ جنوبی کوریا دوائیں اور میڈیکل ٹیم ترکی بھیجے گا۔واضح رہے کہ ترکیہ اور شام میں گزشتہ روز آنے والے زلزلے نے تباہی مچادی، رات گئے ا?نے والے زلزلے نے لوگوں کو بچنے کا موقع ہی نہ دیا، کم و بیش ایک ہزار 710 عمارتیں لمحوں میں ملبے کا ڈھیر بن گئیں، 50 سے زائد آفٹر شاکس کا سلسلہ بھی کئی گھنٹوں تک جاری رہا، دونوں ممالک میں اموات کی مجموعی تعداد 5000 سے تجاوز کر گئی۔
