بھارتی حکومت کا اپنے شہریوں سے انوکھے طریقے سے ویلنٹائن منانے کی اپیل ،تفصیلات جان کر آپ کی ہنسی چھوٹ جائے

نئی دہلی(مانیٹرنگ ڈیسک) مودی سرکار نے بھارتی عوام سے انوکھے طریقے سے ویلنٹائن منانے کی اپیل کر دی ،تفصیلات جان کر آپ کی بھی ہنسی چھوٹ جائے گی ۔
ہندوستانی میڈیا کے مطابق بھارتی حکومت نے عوام الناس سے اپیل کی ہے کہ وہ 14 فروری کو ویلنٹائن ڈے کو بطور ’کاو¿ ہگ ڈے‘ کے طور پر منائیں۔عوام سے اپیل اینیمل ویلفیئر بورڈ کی جانب سے کی گئی ہے اور اس کی وجہ یہ بتائی گئی ہے کہ بھارتی معاشرے میں مغربی طرز معاشرت و کلچر کو کم کرنا ہے۔ اپیل میں کہا گیا ہے کہ گائے بھارتی کلچر اور معیشت کا حصہ ہے لہذا وہ تمام افراد جو گائے سے محبت کرتے ہیں، 14 فروری کو گائے کی اہمیت اجاگر کرتے ہوئے اسے گلے سے لگائیں۔اینیمل ویلفیئر بورڈ کی جانب سے کی جانے والی اپیل سماجی رابطوں کی ویب سائٹس پر موضوع بحث بن گئی ہے اور لوگ طرح طرح کے تبصرے کرتے ہوئے اپنی آرا پیش کر رہے ہیں۔ بھارت کے معروف صحافی بوبنز ابراہام نے حکومتی اپیل پر تبصرہ کرتے ہوئے استفسار کیا ہے کہ گائے کو یہ کیسے بتایا جائے گا کہ ہم اسے گلے لگانے آرہے ہیں؟ اور پھر یہ کیسے معلوم ہو گا کہ اس میں گائے کی مرضی و رضامندی بھی شامل ہے یا نہیں؟۔