اسلام آباد(وقائع نگار خصوصی) پاکستان اور امریکہ کے درمیان دفاعی مذاکرات کل(سوموار) سے واشنگٹن میں شروع ہوں گے، جو 16 فروری تک جاری رہیں گے۔
”پاکستان ٹائم “ کے مطابق ترجمان دفتر خارجہ کا کہنا ہے کہ پاک امریکہ مڈ لیول دفاعی مذاکرات 13 سے 16 فروری تک واشنگٹن ڈی سی میں ہوں گے، ان مذاکرات کا پہلا دور جنوری 2021 میں پاکستان میں منعقد ہوا تھا۔ رجمان کے مطابق پاکستان کی جانب سے انٹرایجنسی وفد کی قیادت چیف آف جنرل سٹاف کریں گے جبکہ وفد میں وزارت خارجہ، جوائنٹ سٹاف ہیڈ کوارٹرز اور تینوں مسلح افواج ہیڈ کوارٹرز کے حکام شامل ہوں گے۔مزید کہا کہ امریکی ٹیم کی نمائندگی انڈر سیکرٹری ڈیفنس آفس کرے گا اور مذاکرات میں دفاعی و سیکیورٹی تعاون کے امور زیر بحث آئیں گے۔
