انقرہ(ویب ڈیسک ) حال ہی میں زلزلے سے تباہ ہونے والے ملک ترکیہ کو ایک بار پھر شدید زلزلے کا سامنا کرنا پڑا ہے، ترکیہ کے جنوبی علاقے میں 5.1 شدت کا زلزلہ محسوس کیا گیا۔
غیرملکی میڈیا کے مطابق زلزلے کے جھٹکے شام اور لبنان میں بھی محسوس کیے گئے ہیں، ترکیہ اور خطے کے دیگرممالک میں آنے والے زلزلے کی شدت ریکٹر سکیل پر 5.1 تھی اور اس کا مرکز ترکیہ کی جنوبی ریاست حاطے میں تھا، زلزلے سے کسی جانی نقصان کی اطلاع نہیں ملی۔ واضح رہے کہ ترکیہ اور شام میں 10 روز قبل آنے والے ہولناک زلزلے میں اب تک 42 ہزار سے زائد افراد جاں بحق ہوچکے ہیں۔
