کراچی شارع فیصل پر دہشت گردوں کا حملہ، حملہ آور چھت پر موجود

پاکستان ٹائم کے مطابق کراچی میں شارع فیصل پر واقع پولیس آفس دہشت گردوں نے حملہ کیا ہے. ایک گھنٹہ گزرنے کے باوجود حملہ آور نہ پکڑے جاسکے. تاحال دونوں جانب فائرنگ کا تبادلہ جاری ہے۔
پاکستان ٹائم کو ذرائع کی جانب سے کِر ملی ہے کہ کراچی پولیس آفس میں 8 سے 10 حملہ آور موجود ہیں. پولیس آفس کے قریب شدید فائرنگ اور دھماکے بھی سنے گئے ہیں. اس دوران ہیڈکوارٹرز کی لائٹس بندکردی گئیں ہیں۔ فائرنگ کا سلسلہ وقفے وقفے سے جاری ہے. اس حوالے سے پولیس ذرائع کا کہنا ہے کہ حملہ آور پولیس لائنز سے داخل ہوئے اور دہشت گرد کے پی او کے پارکنگ ایریا میں بھی موجود ہیں۔
حکام کا کہنا ہے کہ رینجرز، پولیس اور دیگر قانون نافذ کرنے والے اداروں کی بھاری نفری طلب کرلی گئی ہے. تمام قانون نافذ کرنے والے اداروں نے پولیس آفس کو چاروں طرف سےگھیر لیا ہے اور شارع فیصل ٹریفک کے لیے بند کردی گئی ہے۔
اطلاعات کے مطابق کراچی پولیس چیف جاوید عالم اوڈھو نے کراچی پولیس آفس پر حملے کی تصدیق کی ہے. ان کا کہنا ہے کہ میرے آفس پر حملہ ہوا ہے اور فائرنگ کا تبادلہ جاری ہے۔
ہسپتال ذرائع کا کہنا ہے کہ فائرنگ کے مقام سے ایک زخمی کو جناح ہسپتال لایا گیا ہے. زخمی کو دو گولیاں لگی ہیں.